Turinning "Yuventus" jamoasi yarim himoyachisi Miralem Pyanich Paulo Dibala bilan mashg‘ulotlarda bahslashishini aytib o‘tdi.

"Tez tez Dibalani jarima zarbalari tepish borasidagi musobaqada mag‘lub etaman, biroq u ham bu ishni yaxshi bajaradi. Men uchun darvozaga 16-25 metrlargacha masofa optimal hisoblanadi. Har doim bunday vaziyatlarda to‘p oldiga kelsam, gol urishimni his qilaman.

So‘nggi o‘yinlardan mamnun emasmiz, biroq bu futbolning bir bo‘lagi. Bo‘lajak bahslar uchun ham individual, ham jamoaviy o‘yinga tayyorgarlikni kuchaytirishimiz kerak", - deydi Pyanich.