Туриннинг "Ювентус" жамоаси ярим ҳимоячиси Миралем Пьянич Пауло Дибала билан машғулотларда баҳслашишини айтиб ўтди.
"Тез тез Дибалани жарима зарбалари тепиш борасидаги мусобақада мағлуб этаман, бироқ у ҳам бу ишни яхши бажаради. Мен учун дарвозага 16-25 метрларгача масофа оптимал ҳисобланади. Ҳар доим бундай вазиятларда тўп олдига келсам, гол уришимни ҳис қиламан.
Сўнгги ўйинлардан мамнун эмасмиз, бироқ бу футболнинг бир бўлаги. Бўлажак баҳслар учун ҳам индивидуал, ҳам жамоавий ўйинга тайёргарликни кучайтиришимиз керак", - дейди Пьянич.
