"Qo‘qon-1912" Matbuot xizmati
“Vodiy derbisi” nomini olgan ushbu o‘yinga bo‘lgan qiziqish juda yuqori edi. Bu ikki jamoa joriy mavsumda o‘z muxlislarni xursand etgan holda mavsumni yaxshi o‘tkazishmoqda.
Muxlis va mutaxassislar mazkur bahsni shiddatli va keskin kurashlar ostida o‘tishi oldindan taxmin qilishgandi.
O‘yin ushbu bashoratlarni to‘la tukis oqladi. Bugungi bahs oldidan jamoamiz jiddiy yo‘qotishlarga duch keldi. Xususan, “derbi”ni yetakchi hujumchilarimiz Nosir Otaqo‘ziyev va Filip Rayevaslar jarohat sabab o‘tkazib yuboradigan bo‘lishdi.
Shuningdek, Aziz Ashurov va Jalil Kimsanovlar mazkur bahsda qaydnomaga kiritilmadi.
O‘yinni vakillarimiz faol tarzda boshlashdi. Dastlabki hujumimiz xavfli ko‘rinish oldi. 5-daqiqada raqib darvozasi oldida xavfli vaziyatni vujudga keltirdik. So‘nggi pallada mehmonlar xavfni bartaraf etishdi.
21-daqiqada futbolchilarimiz ajoyib hujum tashkil etishdi. So‘nggi pallada Jamshid Hasanovning chalqancha usulda bergan zarbasi “o‘xshamay” qoldi. 23-daqiqada yana bir hujumimiz raqiblarni sarosimaga solib qo‘ydi. Bu safar Andrey Sidorov jarima maydoni ichiga oshirilgan to‘pga yetib kela olmadi. 26-daqiqada Jamshid Hasanovning zarbasi darvozabon to‘pni katta qiyinchilik bilan qaytarib qoldi.
28-daqiqada jarima to‘pi tepish huquqiga ega bo‘ldik. Murod Xolmuhammedov oshirgan to‘pni vakillarimiz raqib darvozasiga yo‘llashdi. Mehmonlar posboni o‘z o‘rnida. 32-daqiqada Darko Gojkovichning xatosidan keyin hisob ochilishi mumkin edi.
Nikita Ribkinning ajoyib harakatlari raqiblarga gol urish imkoniyatni bermadi. 40-daqiqa o‘tayotgan paytda Oybek Qilichev raqib futbolchisini qo‘pollik bilan to‘xtatib qolgani tufayli bosh hakam tomonidan qizil kartochka bilan jazolandi.
Birinchi bo‘limda hisob ochilmadi.
Ikkinchi taymni ham futbolchilarimiz faollik bilan boshlashdi. 59-daqiqada futbolchilarimiz raqib darvozasi oldida xavfli vaziyatni yartishdi. Oxirgi pallada raqib himoyachisi to‘pni barataf etdi. Ikkinchi bo‘limdagi eng xavfli vaziyat 65-daqiqada yuzaga keldi. Murod Xolmuhammedovning kuchli zarbasi shundoqqina darvoza yonginasidan o‘tib ketdi.
73-daqiqada himoyachilarimiz xatosidan keyin “Navbahor” futbolchilar yaxshi imkoniyatga ega bo‘lishdi. Turg‘unboyev to‘pga yeta olmadi. 75-daqiqada maydon egalari hisobni ochishdi. Murod Holmuhammedovning ajoyib reydidan keyin Darko Gojkovich raqib darvozasini ishg‘ol etdi.
87-daqiqada Suhrob Berdiyevning reydidan keyin Javohir Sidiqov raqib darvozasiga joylab qo‘ydi. Bu vaziyatda Suhrob Berdiyevning hatti-harakatlarini alohida ta’kidlash joiz.
Shu tariqa tarkibdagi yo‘qotishlarga qaramay, futbolchilarimiz shiddatli va keskin kurshalar ostida o‘tgan “vodiy derbisi”da muhim g‘alabani qo‘lga kiritdi.
Oliy liga, 25-tur.
“Qo‘qon-1912” – “Navbahor” – 2:0 (0:0)
Hakamlar: H. Ro‘ziyev (Toshkent), A. Rasulov (Toshkent), J. Saidov (Toshkent), D. Karimov (Toshkent).
Nazoratchi: I. Sharipov (Buxoro).
PFL vakili: A. Frolov.
Gollar: Darko Gojkovich – 75, Javohir Sidiqov – 87.
“Qo‘qon-1912”: 13. Nikita Ribkin, 7. Jamshid Hasanov, 10. Javohir Sidiqov (4. Bahodir Akramov-90), 11. Andrey Sidorov (96. Muhammadanas Hasanov-56), 14. Doniyor Hasanov, 19. Suhrob Berdiyev, 23. Aleksandr Merzlyakov, 26. Akmal Xolmurodov (97. Oybek Rustamov-89), 55. Darko Gojkovich, 70. Quvondiq Ro‘ziyev, 77. Murod Xolmuhammedov.
Zaxira: 30. Islom Abdullayev, 17. Avaz Mamatxo‘jayev, 25. Iqbol Malikjonov, 27. Doston Meliqo‘ziyev.
“Navbahor”: 23. Dilshod Hamroyev, 5. G‘iyos Komilov, 6. Oston O‘runov (84. Nemanya Yovanovich-82), 7. Oybek Qilichev, 9. Dilshod Jabborov, 19. Mirzohid G‘ofurov, 21. A’zam Aliyev, 22. Ruzimboy Ahmedov (70. Abbos Maxstaliyev-72), 32. Jahongir Mehmonov, 44. Darko Stanoyevich, 77. Aziz Turg‘unboyev (17. Ilhom Boydadayev-79).
Zaxira: 30. Asilbek Amonov, 4. Abbos Otaxonov, 18. Doniyor Usmonov, 24. Sardor Azimov.
