«Milan» sardori Leonardo Bonuchchi Italiya chempionatining 9-turi doirasida "Jenoa"ga qarshi bo‘lib o‘tgan o‘yinda maydondan chetlatildi.
Bahsning 25-daqiqasida 30 yoshli futbolchi Aleandro Rozining yuziga tirsagi bilan urgani uchun to‘g‘ridan-to‘g‘ri qizil kartochka oldi. Hakam Pyero Jakomelli vaziyatni videotakror orqali ko‘rganidan keyin futbolchini chetlatishga qaror qildi.
Shu tariqa, Bonuchchi diskvalifikasiya tufayli «rossoneri»ning navbatdagi o‘yinlarini o‘tkazib yuborishi mumkin. «Milan» 25 oktyabr kuni «Kyevo», 28 oktyabr kuni esa «Yuventus»ga qarshi to‘qnash keladi.
Eslatib o‘tamiz, Bonuchchi yozgi transfer paytida "Yuventus"dan "Milan"ga o‘tgandi.