“PSJ” klubi hujumchisi Kilian Mbappe Italiyaning Tuttosport nashri tomonidan Yevropada 21 yoshli futbolchilarga taqdim etiladigan “Golden Boy” sovrinini qo‘lga kiritdi.
Mazkur sovringa Mbappedan tashqari yana Gabriel Jezus (“Manchester Siti”) va Usmon Dembele (“Barselona”) kabi futbolchilar da’vogarlik qilishdi.
Eslatib o‘tamiz, 2016 yil “Golden Boy” sovrinini “Bavariya” yarim himoyachisi Renatu Sanshesh qo‘lga kiritgandi.
Ma’lumot uchun, Kilian Mbappe joriy mavsum PSJ tarkibida 11 ta rasmiy uchrashuvda maydonga tushib, 4 ta gol va shuncha foydali uzatmani amalga oshirgan.
O‘tgan mavsum esa “Monako” tarkibida harakat qilgan Mbappe 44 uchrashuvda maydonga tushib, 26 gol va 14 ta foydali uzatmani amalga oshirdi.
