“ПСЖ” клуби ҳужумчиси Килиан Мбаппе Италиянинг Tuttosport  нашри томонидан Европада 21 ёшли футболчиларга тақдим этиладиган “Golden Boy” совринини қўлга киритди.

Мазкур совринга Мбаппедан ташқари яна Габриэл Жезус (“Манчестер Сити”) ва Усмон Дембеле (“Барселона”) каби футболчилар даъвогарлик қилишди.

Эслатиб ўтамиз, 2016 йил “Golden Boy” совринини “Бавария” ярим ҳимоячиси Ренату Саншеш қўлга киритганди.

Маълумот учун, Килиан Мбаппе жорий мавсум ПСЖ таркибида 11 та расмий учрашувда майдонга тушиб, 4 та гол ва шунча фойдали узатмани амалга оширган.

Ўтган мавсум эса “Монако” таркибида ҳаракат қилган Мбаппе 44 учрашувда майдонга тушиб, 26 гол ва 14 та фойдали узатмани амалга оширди.