Avvalroq, xabar berganimizdek kecha, 23 oktyabr kuni Angliya poytaxti Londonda halqaro futbol tashkiloti (FIFA) tomonidan “The Best FIFA Football Awards 2017” sovrinini topshirish marosimi bo‘lib o‘tdi.
Unda o‘tgan “mavsumning eng yaxshi erkak futbolchisi” sifatida Madridning “Real” klubi va Portugaliya terma jamoasi hujumchisi Krishtianu Ronaldu e’tirof etildi.
Mazkur sovrinni ketma-ket ikkinchi yil qo‘lga kiritgan Krishtianu Ronaldu sovrinni qabul qilib olgandan so‘ng FIFA jurnalistlarining savollariga javob berdi.
– Ronaldu, mazkur sovrinni ikki yil ketma-ket qo‘lga kiritdingiz. O‘zingizni qanday his etyapsiz?
Hozir juda baxtliman, o‘ylaymanki faoliyatimdagi eng yorqin kunlarni boshimdan o‘tkazyapman. Taassurotlarim kuchli, aqlga sig‘mas darajada xursandman.
– Sizni beshinchi marta dunyoning eng kuchli futbolchisi sifatida tan olishdi...
Futbolchilik faoliyatimni boshlagan vaqtimda o‘z oldimga katta maqsadlar tashlagandim. O‘ylaymanki, maqsadlarim amalga oshishda davom etmoqda.
Shaxsiy sovrinlarni qo‘lga kiritish meni yanada kuchli bo‘lishimga undaydi va yuqori darajada futbol o‘ynashimga yordam beradi.
