“Lokomotiv” -"Qo‘qon-1912" uchrashuvidan keyin o‘tkazilgan matbuot anjumanining birinchi qismida mehmonlar bosh murabbiyi No‘’mon Hasanov ishtirok etdi va quyidagi fikrlarini bildirib o‘tdi.

- Bugun chiroyli futbol bo‘ldi, deb o‘ylayman. Har ikkala jamoa ochiq o‘yin ko‘rsatishdi. "Lokomotiv" jamoasi yulduz futbolchilardan tashkil topgan. "Qo‘qon-1912"ga esa tajriba kamligi pand bermoqda.

"Lokomotiv" jamoasi futbolchilari tajribali o‘yinchilar hisoblanishadi. Yaxshi jamoani bir yilda tuzib bo‘lmaydi. Albatta bunga vaqt kerak.

Hakamlar o‘yinni yaxshi boshqarishdi ularga e’tiroz yo‘q. Birinchi davrani yaxshi o‘tkazgandik. Ikkinchi davrada esa pasayish bo‘ldi. Bu bo‘lishi kerak edi. Chunki o‘zim ham futbol o‘ynaganman va buni yaxshi tushunaman.

Bir tarkib bilan butun mavsumni bir tekisda o‘tkazish oson emas. Zaxiramiz torligi sababli ikkinchi davrani bir tekisda o‘tkaza olmayapmiz. Kelasi mavsumda tarkibni kuchaytiramiz.