Rossiya kubogining nimchorak final bosqichi doirasida o‘yinlar bo‘lib o‘tdi. "Rostov" o‘z maydonida "Amkar"ni qabul qildi.

Tanaffusga qadar 1:1 hisobi qayd etildi. Ikkinchi bo‘limda esa jamoalar darvozalarga yo‘l topa olishmadi. Natijada hakam qo‘shimcha bo‘limlar belgiladi. Ammo 30 daqiqa davomida ham muxlislar boshqa gol ko‘rishmadi. O‘zbekistonlik hujumchi Eldor Shomurodov 105-daqiqada maydonga tushirildi.

Penaltilar seriyasida tomonlar naq 12 martadan zarbani amalga oshirishdi. Birinchi bo‘lib 11 metrli nuqta oldiga Eldor Shomurodov yaqinlashdi va hisobni ochdi. Besh martadan zarba berilganidan keyin rostovliklar g‘alaba qozonishi mumkin edi, ammo so‘nggi zarbani Gaskan golga aylantira olmadi. Keyingi zarbalarning barchasi golga aylanaverdi. 11 nafardan futbolchilardan barchasi zarba berib bo‘lganidan keyin hisob 9:9 ko‘rinishiga keldi. Mezbonlarning 12-zarbasini yana Shomurodov amalga oshirdi. Ammo to‘pni "Amkar" posboni qaytarishga muvaffaq bo‘ldi. Permliklar 12-zarbani golga aylantirib, g‘alabani ilib ketishdi.

Rossiya kubogi, nimchorak final
Rostov – Amkar 1:1 (1:1, 0:0, 0:0, 0:0). Penaltilar seriyasi - 9:10
Gollar: 0:1 – 19 Idovu, 1:1 – 40 Parshivlyuk.
Rostov – Pesyakov, Ingason, Ustinov, Parshivlyuk, Vilyush, Mogileves (Makeev, 54), Gaskan, Zuyev (SHomurodov, 105), Ionov (Dumbiya, 86), Mayer, Buxarov.
Amkar – Nigmatullin, Milkovich, Idovu (Prokofyev, 93), Sivakov, Konde, Ogude, Gashenkov (Melnikov, 87), Balanovich, Kostyukov (Zaysev, 67), Belorukov, Bodul.
Ogohlantirishlar: Mayer (60), Konde (109).