Россия кубогининг нимчорак финал босқичи доирасида ўйинлар бўлиб ўтди. "Ростов" ўз майдонида "Амкар"ни қабул қилди.

Танаффусга қадар 1:1 ҳисоби қайд этилди. Иккинчи бўлимда эса жамоалар дарвозаларга йўл топа олишмади. Натижада ҳакам қўшимча бўлимлар белгилади. Аммо 30 дақиқа давомида ҳам мухлислар бошқа гол кўришмади. Ўзбекистонлик ҳужумчи Элдор Шомуродов 105-дақиқада майдонга туширилди.

Пенальтилар сериясида томонлар нақ 12 мартадан зарбани амалга оширишди. Биринчи бўлиб 11 метрли нуқта олдига Элдор Шомуродов яқинлашди ва ҳисобни очди. Беш мартадан зарба берилганидан кейин ростовликлар ғалаба қозониши мумкин эди, аммо сўнгги зарбани Гацкан голга айлантира олмади. Кейинги зарбаларнинг барчаси голга айланаверди. 11 нафардан футболчилардан барчаси зарба бериб бўлганидан кейин ҳисоб 9:9 кўринишига келди. Мезбонларнинг 12-зарбасини яна Шомуродов амалга оширди. Аммо тўпни "Амкар" посбони қайтаришга муваффақ бўлди. Пермликлар 12-зарбани голга айлантириб, ғалабани илиб кетишди.

Россия кубоги, нимчорак финал
Ростов – Амкар 1:1 (1:1, 0:0, 0:0, 0:0). Пенальтилар серияси - 9:10
Голлар: 0:1 – 19 Идову, 1:1 – 40 Паршивлюк.
Ростов – Песьяков, Ингасон, Устинов, Паршивлюк, Вилюш, Могилевец (Макеев, 54), Гацкан, Зуев (Шомуродов, 105), Ионов (Думбия, 86), Маер, Бухаров.
Амкар – Нигматуллин, Милькович, Идову (Прокофьев, 93), Сиваков, Конде, Огуде, Гащенков (Мельников, 87), Баланович, Костюков (Зайцев, 67), Белоруков, Бодул.
Огоҳлантиришлар: Маер (60), Конде (109).