“Qo‘qon-1912” jamoasi bu yilgi mavsumni yuqori saviyada o‘tkazayotgani hech kimga sir emas.

Garchi, vakillarimiz ikkinchi davrani barqaror o‘tkaza olmayotgan bo‘lishsa-da, futbolchilarimizning hujumkor o‘yinlari muxlislarimizni xursand etayotgani bor gap. Joriy yilda jamoamiz Qo‘qon futboli tarixiga yangi sahifalarni ochib berishmoqda.

Bu haqida mavsum yakuniga yetgach, atroflicha to‘xtalamiz. Kechagi o‘yinda jamoamiz Oliy ligadagi 366-uchrashuvni o‘tkazdi. “Navbahor” bilan bo‘lib o‘tgan bahsda Oliy ligadagi yubiley 450-ochko qo‘lga kiritilgan bo‘lsa, navbatdagi bellashuvda yana bitta tarixiy voqeaga guvoh bo‘lishimiz mumkin. Shu kunga qadar “Qo‘qon-1912” futbolchilari chempionat doirasidagi bahslarda raqiblari darvozasiga 498 ta gol kiritishdi. Yana ikkita goldan keyin 500-dovon ham zabt etiladi. Yubiley golga kim mualliflik qilishni esa yaqin orada bilib olsak ajab emas. Vakillarimizga navbatdagi o‘yinlarda omad tilab qolamiz.