Buxoro shahrida 2006 yilda tavallud topgan futbolchilar o‘rtasida O‘zbekistonda xizmat ko‘rsatgan murabbiy Anatoliy Chernov xotira turniri tashkil etildi. Unda mezbon jamoalar – BO‘FM-28, “Buxoro” PFK, poytaxt klublari “Bunyodkor-A”, “Bunyodkor-B”, BO‘SM-7, “Paxtakor-ROZK”, shuningdek “Yangiyer” FM, “Sho‘rtan” FM, “Qo‘qon-1912”, BO‘SM-1 (Namangan), BO‘SM-1 (Samarqand) hamda Qirg‘izistonning “Intimak” futbol maktablari ishtirok etishdi. 12 jamoa 4 guruhga bo‘lingan xolda bosh sovrin uchun kurash olib borishdi. Akmal Risqullayev murabbiylik qilayotgan “Bunyodkor-A” guruh bahslarida “Sho‘rtan”ni 3:0 hisobida mag‘lub etib, mezbonlar – “Buxoro” PFK bilan 1:1 hisobida durang natija qayd etdi va yarim finalga yo‘l oldi. Bu bosqichda tarbiyalanuvchilarimizga yana bir mezbon jamoa – BO‘FM-28 ro‘baro‘ keldi va bu safar yirik hisobda g‘alaba qozonildi – 6:0!

Ikkinchi final ishtirokchisi azaliy raqib - “Paxtakor-ROZK” bo‘ldi. Yosh paxtakorchilar yarim finalda yagona horijiy ishtirokchini 2:1 hisobda mag‘lub etgandilar. Musobaqa finalini ko‘tarinki ruhda o‘tkazgan Akmal Risqullayev shogirdlari finalda ham yirik - 3:0 hisobida zafar quchishdi va bosh sovrin egasi bo‘lishdi!

Yana bir tarbiyalanuvchilarimiz – “Bunyodkor-B” jamoasi musobaqani 5-o‘rinda yakunladi.