«Manchester Yunayted» bosh murabbiyi Joze Mourinyo «Tottenxem»ga qarshi o‘yin oldidan fikr bildirarkan, jarohat tufayli maydonga tusha olmaydigan raqib jamoa hujumchisi Xarri Keyn haqida gapirishni istamadi.
«Nima haqida so‘rashingizni bilaman, menga bu savolni bermang. Men jarohatlangan futbolchilarni muhokama qilmayman. Shu bois mendan Xarri Keyn haqida so‘ramang.
Agar Keyn haqida gapirishni boshlaydigan bo‘lsa, u holda Ibrahimovich, Pogba, Roxo va Kerrik haqida ham so‘zlash kerak bo‘ladi. Shu bois, bu mavzuda gapirmayman. Keyingi savol», – dedi portugaliyalik mutaxassis.