O‘zbekiston Respublikasi Vazirlar Mahkamasining 2017 yil 30 oktyabrdagi “Nufuzli xalqaro sport musobaqalarida yuksak natijalarga erishgan O‘zbekiston sportchilari va ularning murabbiylarini yanada qullab-quvvatlash chora-tadbirlari to‘g‘risida”gi 878-sonli qarori qabul qilindi.
Qaror ilovasi bo‘lmish Olimpiada va Paralimpiya o‘yinlari g‘olib va sovrindorlariga umrbod oylik to‘lovlar to‘lash tartibi to‘g‘risidagi nizomga ko‘ra, umrbod to‘lovlarni olish uchun har yili 1 dekabrga qadar Jismoniy tarbiya va sport qo‘mitasiga ariza va pasport nusxasini taqdim etadi.
Qo‘mita tomonidan sportchi quyidagi miqdorda umrbod oylik to‘lov to‘lanishi belgilandi.
Oltin medal uchun — eng kam oylik ish haqining 10 barobari miqdorida;
Kumush medal uchun — eng kam oylik ish haqining 5 barobari miqdorida;
Bronza medal uchun — eng kam oylik ish haqining 5 barobari miqdorida.
Sportchi O‘zbekiston Respublikasi fuqaroligidan chiqsa yoki musobaqada boshqa davlat nomidan ishtirok etsa, butunjahon antidoping tashkiloti (WADA) tomonidan taqiqlangan dori vositalari qo‘llagani aniqlanib, Olimpiada va Paralimpiya g‘olib va sovrindorligidan mahrum etilsa, sud qaroriga muvofiq ozodlikdan mahrum etilsa yoki vafot etsa — umrbod oylik to‘lovi to‘xtatiladi.
Sportchi kelgusi Olimpiada va Paralimpiya o‘yinlarida yana g‘olib va sovrindor bo‘lsa, unga umrbod oylik to‘lovlar oshirilgan miqdorda to‘lab beriladi.
Qaror ilovasi — Yuqori malakali sportchilarni tayyorlagan murabbiylarga to‘lanadigan bir martalik pul mukofotlarini berish tartibi to‘g‘risidagi nizomga ko‘ra Olimpiada va Paralimpiya o‘yinlarida g‘olib va sovrindor bo‘lgan sportchilarni tayyorlagan murabbiylar quyidagi miqdorda bir martalik pul mukofoti bilan rag‘batlantiriladi.
Oltin medal — 20 000 AQSH dollari;
Kumush medal — 15 000 AQSH dollari;
Bronza medal uchun — 10 000 AQSH dollari.
Olimpiada o‘yinlari dasturiga kiruvchi sport turlari bo‘yicha Jahon chempionatlarida g‘olib va sovrindor sportchilarni tayyorlagan murabbiylar quyidagi miqdorda bir martalik pul mukofoti bilan rag‘batlantiriladi.
Oltin medal — 6 000 AQSH dollari;
Kumush medal — 3 000 AQSH dollari;
Bronza medal uchun — 1 500 AQSH dollari.
Osiyo va Paraosiyo o‘yinlarida g‘olib va sovrindor sportchilarni tayyorlagan murabbiylar quyidagi miqdorda bir martalik pul mukofoti bilan rag‘batlantiriladi.
Oltin medal — 2 500 AQSH dollari;
Kumush medal — 1 500 AQSH dollari;
Bronza medal uchun — 1 000 AQSH dollari.
