Yevropa chempionlar ligasida 4-tur uchrashuvlari yakuniga yetdi.

Zidan boshchiligidagi "Real" ketma-ket ikkinchi rasmiy o‘yinda mag‘lubiyat alamini tortmoqda. Madridliklar bu safar "Uembli"da "Tottenxem"ga qarshilik ko‘rsata olishmadi. Birinchi bo‘lim o‘rtalarida Dele Alli hisobni ochgan bo‘lsa, 56-daqiqada ushbu yarim himoyachining o‘zi hisobdagi farqni ikkitaga oshirdi. Oradan ko‘p o‘tmasdan Eriksen londonliklarning uchinchi golini "Madrid" darvozasiga joyladi. Faqatgina o‘yin tugashiga 10 daqiqa qolganida Ronaldu "Real" yirik hisobdagi mag‘lubiyatdan qutqarib qoldi xolos.

"Real"ning baxtiga Kiprning APOEL klubi ikkinchi o‘yinda ham "Dortmund"dan ochko tortib olmoqda. Birinchi bo‘limda Gerreyru dortmundliklarni oldinga olib chiqqan bo‘lsa, ikkinchi bo‘lim boshida Pote muvozanatni tikladi. Germaniyaliklar bu bahsda durang bilan kifoyalanishdi.

Natijada "Tottenxem" 10 ochko bilan peshqadamga aylangan bo‘lsa, "Real" hisobida 7 ochko mavjud. "Borussiya" va APOEL klublari 2 ochko bilan quyi pog‘onalarni band etishgan.

YECHL, 4-TUR
"H" GURUHI
Tottenxem Angliya – Real Madrid Ispaniya 3:1 (1:0, 2:1)
Gollar: 1:0 – 27 Alli, 2:0 – 56 Alli, 3:0 – 65 Eriksen, 3:1 – 80 Ronaldu.
Tottenxem – Lyoris, Sanches, Vertongen, Devis, Alderveyreld (Sissoko, 24), Alli, Eriksen, Uinks (Dembele, 66), Dayer, Trippyer, Keyn (Lyorente, 79).
Real Madrid – Kasilya, Nacho, Marselo, Xakimi, Ramos, Modrich (Teo, 81), Kazemiro, Isko (Asensio, 74), Kroos, Benzema, Ronaldu.
Ogohlantirishlar: Dembele (89), Ramos (90).

Borussiya D Germaniya – APOEL Kipr 1:1 (1:0, 0:1)
Gollar: 1:0 – 29 Gerreyru, 1:1 – 51 Pote.
Borussiya D – Byurki, Papastatopulos, Gerreyru (SHmelser, 72), Bartra, Toprak (SHyurrle, 86), Getse, Vaygl, Pulishich, Kagava, Filipp (YArmolenko, 65), Obameyang.
APOEL – Peres, Rueda, Merkis, Karlao, Aleksandru (SHallai, 46), Aloneftis (Farias, 82), Nunu Moraish, Vinisius, Zaxid, Vuros, Pote (de Kamargo, 74).
Ogohlantirishlar: Karlao (72), Vuros (90), Peres (90).