Европа чемпионлар лигасида 4-тур учрашувлари якунига етди.

Зидан бошчилигидаги "Реал" кетма-кет иккинчи расмий ўйинда мағлубият аламини тортмоқда. Мадридликлар бу сафар "Уэмбли"да "Тоттенхэм"га қаршилик кўрсата олишмади. Биринчи бўлим ўрталарида Деле Алли ҳисобни очган бўлса, 56-дақиқада ушбу ярим ҳимоячининг ўзи ҳисобдаги фарқни иккитага оширди. Орадан кўп ўтмасдан Эриксен лондонликларнинг учинчи голини "Мадрид" дарвозасига жойлади. Фақатгина ўйин тугашига 10 дақиқа қолганида Роналду "Реал" йирик ҳисобдаги мағлубиятдан қутқариб қолди холос.

"Реал"нинг бахтига Кипрнинг АПОЭЛ клуби иккинчи ўйинда ҳам "Дортмунд"дан очко тортиб олмоқда. Биринчи бўлимда Геррейру дортмундликларни олдинга олиб чиққан бўлса, иккинчи бўлим бошида Поте мувозанатни тиклади. Германияликлар бу баҳсда дуранг билан кифояланишди.

Натижада "Тоттенхэм" 10 очко билан пешқадамга айланган бўлса, "Реал" ҳисобида 7 очко мавжуд. "Боруссия" ва АПОЭЛ клублари 2 очко билан қуйи поғоналарни банд этишган.

ЕЧЛ, 4-ТУР
"H" ГУРУҲИ
Тоттенхэм Англия – Реал Мадрид Испания 3:1 (1:0, 2:1)
Голлар: 1:0 – 27 Алли, 2:0 – 56 Алли, 3:0 – 65 Эриксен, 3:1 – 80 Роналду.
Тоттенхэм – Льорис, Санчес, Вертонген, Дэвис, Алдервейрелд (Сиссоко, 24), Алли, Эриксен, Уинкс (Дембеле, 66), Дайер, Триппьер, Кейн (Льоренте, 79).
Реал Мадрид – Касилья, Начо, Марсело, Хакими, Рамос, Модрич (Тео, 81), Каземиро, Иско (Асенсио, 74), Кроос, Бензема, Роналду.
Огоҳлантиришлар: Дембеле (89), Рамос (90).

Боруссия Д Германия – АПОЭЛ Кипр 1:1 (1:0, 0:1)
Голлар: 1:0 – 29 Геррейру, 1:1 – 51 Поте.
Боруссия Д – Бюрки, Папастатопулос, Геррейру (Шмельцер, 72), Бартра, Топрак (Шюррле, 86), Гетце, Вайгль, Пулишич, Кагава, Филипп (Ярмоленко, 65), Обамеянг.
АПОЭЛ – Перес, Руэда, Меркис, Карлао, Александру (Шаллаи, 46), Алонефтис (Фариас, 82), Нуну Мораиш, Винисиус, Захид, Вурос, Поте (де Камарго, 74).
Огоҳлантиришлар: Карлао (72), Вурос (90), Перес (90).