«Manchester Siti» bosh murabbiyi Xosep Gvardiola YECHL doirasida «Napoli»ga qarshi bo‘lib o‘tgan o‘yin (4:2) borasida o‘z fikrlarini bildirib o‘tdi.

«Ikki hafta ichida «Napoli»ni 2 marta yengish — biz uchun ulkan natija. Bu jamoa faoliyatim davomida men duch kelgan eng yaxshi klub. Biz ularga chap qanot bo‘ylab hujum tashkil qilishiga yo‘l qo‘ymadik, lekin ular gol urishning uddasidan chiqishdi. Dastlabki 20 daqiqa ichida «Napoli» bizni to‘liq taslim qildi.

Ammo qiyinchilikka qaramay, jamoa o‘ziga kelib olgani menga yoqdi. Ayniqsa, hisob 2:2 bo‘lib turganida Bernardu Silva to‘pni o‘zida saqlab qoldi hamda hujumni boshlab bergdi.

O‘z jamoa bilan faxrlanaman. Boisi, raqib qay darajada kuchli ekanini bilaman. Menga «Napoli» juda yoqadi. Ular qisqa pas orqali o‘ynab, dastlabki 20 daqiqa davomida bizga qaror qabul qilish uchun vaqt berishmadi. Bizning jamoalar bir-biriga o‘xshash. Biz to‘pni ushlashni, to‘pni yo‘qotganda esa raqibga nisbatan pressing qo‘llashni yaxshi ko‘ramiz. Hisob 2:2 ko‘rinishiga kelganidan keyin namoyish etgan o‘yinimiz menga juda yoqdi. Lekin ilk 20 daqiqa o‘yinni qo‘ldan chiqarib qo‘ydik», – dedi Gvardiola.