«Манчестер Сити» бош мураббийи Хосеп Гвардиола ЕЧЛ доирасида «Наполи»га қарши бўлиб ўтган ўйин (4:2) борасида ўз фикрларини билдириб ўтди.

«Икки ҳафта ичида «Наполи»ни 2 марта енгиш — биз учун улкан натижа. Бу жамоа фаолиятим давомида мен дуч келган энг яхши клуб. Биз уларга чап қанот бўйлаб ҳужум ташкил қилишига йўл қўймадик, лекин улар гол уришнинг уддасидан чиқишди. Дастлабки 20 дақиқа ичида «Наполи» бизни тўлиқ таслим қилди.

Аммо қийинчиликка қарамай, жамоа ўзига келиб олгани менга ёқди. Айниқса, ҳисоб 2:2 бўлиб турганида Бернарду Силва тўпни ўзида сақлаб қолди ҳамда ҳужумни бошлаб бергди.

Ўз жамоа билан фахрланаман. Боиси, рақиб қай даражада кучли эканини биламан. Менга «Наполи» жуда ёқади. Улар қисқа пас орқали ўйнаб, дастлабки 20 дақиқа давомида бизга қарор қабул қилиш учун вақт беришмади. Бизнинг жамоалар бир-бирига ўхшаш. Биз тўпни ушлашни, тўпни йўқотганда эса рақибга нисбатан прессинг қўллашни яхши кўрамиз. Ҳисоб 2:2 кўринишига келганидан кейин намойиш этган ўйинимиз менга жуда ёқди. Лекин илк 20 дақиқа ўйинни қўлдан чиқариб қўйдик», – деди Гвардиола.