Janob Klaudio «Lester»ni Angliyada chempionlik shohsupasiga olib chiqib, imkoni yo‘qdek tuyulgan ishni bajargandi.
Italiyalik mutaxassisning sehrgarlarga aloqadorligiga yana kimdir shubha qiladimi?
Mana shunaqa, hamma Kavani va Neymarning to‘p talashishlarini muhokama qilayotgan bir pallada Ranyeri navbatdagi o‘rtamiyonadan yetakchilarga raqobat tug‘diradigan ajoyib jamoa tayyorlamoqda.
Aftidan, bu mutaxassis autsayderlarni yorqin o‘yin ko‘rsatadigan klubga aylantirish formulasini topgandek. Mana, u yana ish bermoqda.
O‘tgan mavsum «Nant» Liga 1ni yettinchi o‘rinda yakunlab, yuqori o‘nlikdagi jamoalar orasida eng ko‘p to‘p o‘tkazib yubordi.
Qisqasi, alohida ijobiy jihatlarini ajratib ko‘rsatish qiyin edi. Hozirda «kanareykalar» 20 ochko to‘plagan holda «PSJ» va «Monako»dan so‘ng uchinchi o‘rinni egallab turishibdi.
Ranyeri avgust oyida «Nant» bosh murabbiyligiga tayinlanarkan, Fransiyaga qaytishi borasidagi savolga o‘zi ham javob topolmayotganini ta’kidladi.
«Bu qaror to‘g‘rimi yoki yo‘q, bilmayman, ammo intriga borligi aniq edi. «Lester»dagi holat qaytarilishi dargumon, bunaqasi har doim ham kuzatilavermaydi. «Nant» prezidenti Valdemar Kitadagi ishtiyoq menga kuch bag‘ishladi.
U hech kimga ishonmaydi, klubni o‘z farzandidek ardoqlaydi, uni to‘g‘ri parvarishlashni istaydi. «Shishirilgan» narxlari bor bozorda katta pul sarflashni o‘ziga ep ko‘rmaydi. Uni juda yaxshi tushunaman», - deydi Ranyeri.
«Inter» safida Chempionlar Ligasi bosh sovrinini qo‘lga kiritgan Rene Krxinni hisobga olmasa, «Nant»da taniqli futbolchilarni uchratmaysiz. Italiyadan «Fiorentina»ning ruminiyalik darvozaboni Chiprian Teterushanu, Portugaliyadan - yosh himoyachi Chivodi Avazyem keldi.
Shuningdek, mahoratli forvard Emiliano Salani ham ko‘rsatib o‘tish darkor. O‘tgan yozda uning uchun Moskvaning «Lokomotiv» klubi 7 mln. yevro taklif qilgandi. Tarkibning qolgan qismi o‘rtamiyona, ammo mehnatkash o‘yinchilardan tuzilgan.
Mabodo Ranyeri jiddiy kuchayishga umid bog‘lasa, adashadi. O‘tgan mavsumdagi yetakchi Amin Aritni «Shalke»ga 8 mln. yevroga sotgan «Nant» boshqa transferlarga 11 mln. sarfladi.
Ammo Klaudio ixtiyoridagi jamoani yaxlit oilaga aylantirdi. Kiyinish xonasi esa futbolchilar uchun qadrdon uydek bo‘lib qoldi.
Bir qarashda, maydonda go‘yoki, «Lester»ning yashil-sariq libosdagi o‘yinchilari to‘p surayotgandek tasavvur uyg‘onadi. Klassik 4-4-2 sxemasi, oldinda ikki forvard, faol qanot yarim himoyachilari hamda markazda tayanch futbolchilari.
Hozirgi «Nant» shiddatkor va qiziqarli futbol ko‘rsatmayapti - g‘alabalarning hammasi kichik hisobda qo‘lga kiritilmoqda (4tasida 1:0 ko‘rinishida).
Dastlabki ikki turda mag‘lubiyatga uchraganiga qaramay, bu klub DAVOMI
