O‘zbekiston Oliy Ligasigning 27-turidan o‘rin olgan “Neftchi” – “Lokomotiv” jamoalari o‘rtasidagi uchrashuv yakuniga yetdi.
Farg‘onaga safar uyushtirgan amaldagi chempion “Lokomotiv” klubi Vadim Abramov boshchiligidagi “Neftchi” jamoasi bilan 0:0 hisobida durangga imzo chekdi.
Uchrashuv davomida bir qancha xavfli vaziyatlar yuzaga kelgandi, ammo negadir har ikki jamoa futbolchilari o‘z imkoniyatlaridan foydalana olishmadi.
Bundan tashqari farg‘onaliklar g‘alaba qozonishlari ham mumkin edi. Biroq 15-daqiqada Muhsinjon Ubaydulayev amalga oshirgan penaltini Ignatiy Nesterov qaytarishga muvaffaq bo‘ldi.
Shu tariqa, “Neftchi” o‘z maydonida “Lokomotiv”dan bir ochko olishga erishdi va 27-turdan so‘ng musobaqa jadvalida, 24 ochko to‘plagan holda 14-o‘ringa ko‘tarilib oldi. “Temiryo‘lchilar” esa 61 ochko bilan yakka hokimlikni saqlab turishibdi.
“Neftchi” (Farg‘ona) – “Lokomotiv” (Toshkent) 0:0.
"Neftchi": Abdumavlon Abdujalilov, Sherzod Hakimov, Mo‘ydin Mamazulumov, Muzaffar Muzaffarov, Dilyorbek Ermatov, Muhsinjon Ubaydullayev, Abror Ismoilov, Islom Karimov, Boburbek Yo‘ldoshev, Avazbek O‘lmasaliyev
"Lokomotiv": Ignatiy Nesterov, Kaxi Maxaradze, Marat Bikmayev, Sadriddin Abdullayev, Sardor Mirzayev, Salim Mustafoyev, Islom To‘xtaxo‘jayev, Shuhrat Muhammadiyev, Sherzod Fayziyev, Sanjar Shoahmedov, Jaloliddin Masharipov
Amalga oshirilmagan penalti: Muhsinjon Ubaydullayev 15 (darvozabon).
