Bugun yoshlarimiz 27-tur uchrashuvini Bekobodning “Metallurg” yoshlariga qarshi o‘tkazishdi.
Uchrashuvning birinchi bo‘limi dastlabki daqiqalaridan tashabbusga ega bo‘lgan yoshlarimiz gol urish uchun ham imkoniyatlarga ega bo‘lishdi. Mehmonlarning ham darvozamiz tomon uyushtirgan qarshi hujumlari xavfli ko‘rinish olganini aytib o‘tish joiz.
Uchrashuvdagi hisob 16-daqiqada ochildi. Bunda Sirojiddin Qo‘ziyevning darvoza tomon tepgan to‘pi darvoza to‘ridan joy oldi – 1:0. Afsuski bu hisobni yoshlarimiz ko‘p ushlab tura olishmadi. Mehmonlar 23-daqiqadayoq javob to‘pini kiritishga muvaffaq bo‘lishdi. Abrorbek Toshqo‘ziyev chiroyli tarzda darvozamizga gol kiritdi – 1:1.
Birinchi bo‘lim ana shu hisobda yakuniga yetdi.
Ikkinchi bo‘lim voqealarga boy bo‘ldi. 55-daqiqada Donyorjon Narzullayev jamoamizni hisobda oldinga olib chiqdi 2:1.
Uchrashuvning 62-daqiqasidan boshlab, yoshlarimiz maydonda bir kishi kam bo‘lib o‘ynashga majbur bo‘lishdi. Muzaffar Sharipov mehmonlarning tezkor qarshi hujumida to‘pni jarima maydonchamiz tashqarisida egallab olgani uchun unga hakam tomonidan qizil kartochka ko‘rsatildi.
Bu yo‘qotishdan keyin ham yoshlarimiz tashabbusni o‘z qo‘llarida ushlab turishdi. Ammo afsuski yaratilgan vaziyatlardan futbolchilarimiz unumli foydalana olishmadi.
Aksincha uchrashuvning 74-daqiqasida mehmonlar hisobni tenglashtirishga erishishdi – 2:2. Zuhrullo Boboyev bu golga mualliflik qildi. Bu gol ham chiroyli tarzda kiritilgan edi.
Uchrashuvning oxirgi daqiqalarida jamoamiz hisobda oldinga o‘tib olishga juda yaqin bo‘ldi. Ammo bunda o‘yinchilarimizda aniqlik yetishmadi.
Shunday qilib, yoshlarimiz bu turda durangga imzo chekishdi. E’tirof etish kerak, o‘rinbosarlarimizning mag‘lubiyatsiz seriyasi 13taga yetdi.
Yoshlar ligasi, 27-tur
“Nasaf” (Qarshi) – “Metallurg” (Bekobod) 2:2 (1:1)
03.11.2017. “Mehnatchi” stadioni. 15:00
Gollar: Sirojiddin Qo‘ziyev, 16’-1:0, Doniyorjon Narzullayev, 55’-2:1 - Abrorbek Toshqo‘ziyev, 23’-1:1, Zuhrillo Boboyev, 74’-2:2
“Nasaf”: 44.Muzaffar Sharipov (s), 6.Sirojiddin Qo‘ziyev 7.Akmaljon Olimov, 9.Xudoyorxon Sagdullayev, 13.Muhriddin Zoirov (28.Anvar Husanov 79), 14.SHarof Muhitdinov (35.Islom Rashidxonov 46), 16.SHerzod Nasrullayev, 19.Saydullo Rahmatov, 32.Navro‘zjon Saidov (96.Dadajon Mamatqulov 84), 33.SHoxruh Ne’matov (30.Amirbek Lutfullayev 65), 38.Doniyorjon Narzullayev.
Zaxira: 15.Abubakr Rizo Turdaliyev, 22.Alijon Axmatov, 34.Nurbek Botirov.
“Metallurg”: 25.Timurbek To‘ychiyev (35.Akobir Qayumov 46), 5.Jasur Axmedov, 6.Mansurjon Nuraliyev, 7.Ulug‘bek Xudoyorov (s), 9.Abrorbek Toshqo‘ziyev (21.Muhammadazim Nurmatov 67), 11.Muhammadjon Sultonov (8.Aram Markaryan 55), 17.Umid Rahimov, 22.Asomiddin Abdurahmonov, 23.Zuhrillo Boboyev, 40.Xudoyshukur Sattorov, 70.Sirojjon Toshpo‘latov.
Ogohlantirish: Akmaljon Olimov (76) - Asomiddin Abdurahmonov (35)
Chetlatish: Muzaffar Sharipov (62).
