Angliya Chempionatining 12-turidan o‘rin olgan “Manchester Siti” hamda “Arsenal” jamoalari o‘rtasidagi markaziy uchrashuv nihoyasiga yetdi. Unda shaharliklar 3:1 hisobida g‘alaba qozonishdi.

Dastlab, uchrashuvning 19-daqiqasida Kevin de Bryuyne hisobni ochdi. Ikkinchi bo‘limning 50-daqiqasida esa Serxio Aguero Petr Chex qo‘riqlayotgan darvozaga penaltini to‘g‘ri amalga oshirib, hisobni 2:0 ko‘rinishiga keltirdi.

So‘ngra, oradan qisqa daqiqalar o‘tgach, “Arsenal” jonlanishni boshladi.

Jumladan, Aleksandr Lyakazet o‘rtadagi farqni qisqartirdi. Goldan so‘ng “Arsenal” yaxshi harakat qilishni boshlagandi.

Biroq 74-daqiqaga kelib, “shaharliklar” hujumchisi Gabriel Jezus o‘yinga so‘nggi nuqtani qo‘ydi va jamoasining APL musobaqa jadvalida yaqqol yetakchi bo‘lib olishiga katta hissasini qo‘shdi.

APL, 11-tur.

“Manchester Siti” – “Arsenal” 3:1.

Gollar: 1:0 – 19 de Bryuyne, 2:0 – 50, penalti Aguero, 2:1 – 65 Lyakazett, 3:1 – 74 Gabriel Jezus.

“Manchester Siti”: Ederson, Otamendi, Stounz, Uoker, Delf, Silva, Fernandinyo, Sterling (Gyundogan, 78), de Bryuyne, Sane (Bernardu Silva, 87), Aguero (Gabriel Jezus, 62).

“Arsenal”: Chex, Kosyelni, Kolashinas, Belyerin, Monreal, O‘zil, Remzi, Ivobi (Uilsher, 78), Jaka (Jiru, 78), Sanches, Koklen (Lyakazett, 56).

Ogohlantirishlar: Monreal (49), Lyakazett (59), Kosyelni (67), Otamendi (73), Djaka (75), Sanches (77), O‘zil (90).