“Byornli” klubi yarim himoyachisi Jek Kork ilk marta Angliya terma jamoasidan chaqiruv oldi. Bu haqda Sky Sports nashri xabar bermoqda.
Ma’lumki, angliyaliklar tarkibida bir nechta yo‘qotishlar mavjud bo‘lib, bosh murabbiy Garet Sautgeyt 28 yoshli Jek Korkni o‘rtoqlik o‘yinlarida ishtirok etish uchun chaqirishga qaror qilgan.
Eslatib o‘tamiz, Angliya terma jamoasi yaqin kunlardagi o‘rtoqlik uchrashuvlarida Jordan Xenderson, Rahim Sterling, Fabian Delf, Xarri Keyn, Xarri Uinks va Dele Alli kabi futbolchilarning xizmatlaridan foydalana olmaydi.
Ma’lumot uchun, Angliya terma jamoasi 10 noyabr kuni Germaniyaga qarshi maydonga tushsa, oradan 4 kun o‘tib, Braziliya bilan bahs olib boradi.
