Kataloniyaning «Barselona» klubi va Ispaniya terma jamoasi sobiq himoyachisi, Jahon va Yevropa chempioni Karles Puyol O‘zbekistonga tashrifi doirasida tashkillashtirilgan matbuot anjumanida ham ishtirok etdi va O‘zbekiston terma jamoasi haqida o‘z fikrlari bilan o‘rtoqlashdi.
«Garchi O‘zbekiston terma jamoasi Rossiyada bo‘lib o‘tadigan jahon chempionati yo‘llanmasini qo‘lga kirita olmagan bo‘lsada, tez orada bu natijaga ham erisha olasiz degan umiddaman.
O‘zbekistonda yoshlarga e’tibor qaratilayotgani ajoyib. Agar yoshlarga e’tibor shu zaylda davom etsa, 2022 yilgi Qatarda bo‘lib o‘tadigan mundialda O‘zbekiston terma jamoasi ham ishtirok etishiga ishonaman», - deya gapirib o‘tdi Karles Puyol.