O‘zbekiston Oliy ligasining 28-turidan o‘rin olgan “Nasaf” hamda “Sho‘rtan” jamolari o‘rtasidagi uchrashuv yakuniga yetdi. Unda mezbonlar g‘uzorliklardan uchta gol farq bilan yirik g‘alabani qo‘lga kiritdi.
Dastlab, o‘yinning 3-daqiqasida “Nasaf” Shahboz Erkinovning penaltidan urgan goli evaziga oldinga chiqib oldi. Shuningdek, Dragan Cheran 63-daqiqada hisobni ikki farqga oshirgan bo‘lsa, oradan 2 daqiqa o‘tib, Erkinov yana katta sahnaga chiqdi va “Nasaf" jamoasining Oliy ligadagi 1120-golini kiritdi.
Shu tariqa, “Nasaf” o‘z maydonida “Sho‘rtan”dan yirik hisobda ustun keldi.
Oliy liga. 28-tur
"Nasaf" - "Sho‘rtan" 3:0
Gollar: SH.Erkinov (penalti3, 65), D.CHeran (63).
“Nasaf”: 35.Sanjar Quvvatov, 2.Akmal Shorahmedov (s), 7.Odiljon Hamrobekov(27. Islom Rashidxonov 70), 10.Dilshod Rahmatullayev, 15.SHaxboz Erkinov, 18.Bahrom Abdurahimov(38. Doniyor Narzullayev 76), 22.Igor Golban, 34.Farruh Sayfiyev, 69.Dragan Cheran(81. Sirojiddin Qo‘ziyev 81), 77.Jasur Hasanov, 92.Umarbek Eshmurodov.
“Sho‘rtan”: 25.Alibek Turobov, 4.Jamol Otaqulov, 5.Hasanboy Ergashev, 12.Laziz Ubaydullayev, 15.Obid Jo‘raboyev, 18.Eldor Boymatov(7. Olimjon Karimov 58), 30.Jasur Xolto‘rayev, 38.Sunatillo Mamadaliyev(99. Maradona Safarov 63), 77.Otabek Narzullayev, 85.Ruslan Melziddinov (s), 92.Evgeniy Kochnev.
Ogohlantirish: Dilshod Raxmatullev(52)
