Kataloniyaning “Barselona” klubi himoyachi Samyuel Yumtitiga yangi shartnoma taklif etishga tayyor.

Ayni paytda futbolchi yiliga 3 million yevro maosh oladi, biroq bu boshqa futbolchilarnikidan ancha kam. Bundan tashqari uning tovon puli 60 million yevroga teng. “Barselona” yangi shartnomasida Yumtitining tovon puli va maoshini ko‘tarishni rejalashtirgan.

Kataloniyaliklar kuni kecha 23 yoshli futbolchining akasi va agenti Yannik bilan uchrashishgan va ayni paytda muzokaralarni boshlab yuborishgan. Tomonlar kelasi yilning avgust oyida yangi bitim tuzishni kelishib olishgan. Yumtitining amaldagi shartnomasi 2021 yilga qadar davom etadi, taxminlarga ko‘ra, “Barsa” unga yana ikki yillik shartnoma taklif etadi. Tovon puli esa 180 million yevro etib belgilanadi.

“Barselona”ning ushbu qarori himoyachiga Angliya klublaridan bo‘layotgan qiziqishlardan so‘ng paydo bo‘lib qoldi”, - deydi agent Yannik.