«Manchester Yunayted» chap qanot himoyachisi Lyuk Shoudan muddatidan oldinroq qutulish istagida. Bu haqda The Times nashri xabar tarqatdi.
Manba bergan xabarga ko‘ra, mankunianlar futbolchining shartnomasi tugamasidan oldin uni sotib yuborish istagida. Buning evaziga «MYU» 20 million funt sterling atrofida mablag‘ ishlab olishni ko‘zlagan. «MYU» uni sotish orqali daromad qilib olish maqsadida futbolchining shartnomasida ko‘rsatib o‘tilgan bitimni avtomatik tarzda 2019 yilga uzaytirish qismidan foydalanishni mo‘ljallab turibdi.
Shouga Angliyaning o‘zidan bir qator jamoalar da’vogarlik qilmoqda, shuningdek Turkiyaning «Fenerbahche» klub ham futbolchini ijara olib, uning Manchesterda oladigan maoshini yarmicha haq to‘lash istagida. Ammo Lyukning o‘zi Turkiyaga ketishni istamayapti.
