«Манчестер Юнайтед» чап қанот ҳимоячиси Люк Шоудан муддатидан олдинроқ қутулиш истагида. Бу ҳақда The Times нашри хабар тарқатди.
Манба берган хабарга кўра, манкунианлар футболчининг шартномаси тугамасидан олдин уни сотиб юбориш истагида. Бунинг эвазига «МЮ» 20 миллион фунт стерлинг атрофида маблағ ишлаб олишни кўзлаган. «МЮ» уни сотиш орқали даромад қилиб олиш мақсадида футболчининг шартномасида кўрсатиб ўтилган битимни автоматик тарзда 2019 йилга узайтириш қисмидан фойдаланишни мўлжаллаб турибди.
Шоуга Англиянинг ўзидан бир қатор жамоалар даъвогарлик қилмоқда, шунингдек Туркиянинг «Фенербаҳче» клуб ҳам футболчини ижара олиб, унинг Манчестерда оладиган маошини ярмича ҳақ тўлаш истагида. Аммо Люкнинг ўзи Туркияга кетишни истамаяпти.
