«Chelsi» klubi sartaroshi Ahmad Alsanavi futbolchilar sochini olish jarayoni aks etgan suratlarni internetga joyladi.

Jamoa rahbariyati esa buni chegaradan chiqish sifatida baholab, sartaroshni ishdan haydadi.

«Suratlar, dastxat tushirilgan futbolkalar, o‘yinchilar fotosini tarqatish orqali o‘z biznesini reklama qilish — bu haddan oshish.

Futbolchilarda imidj huquqlari bo‘yicha shartnomalari bor, klub homiylarga ega. Ya’ni imidj huquqlari uchun millionlab funt to‘lanadi. Sartarosh oxirgi vaqtlarda chegaradan chiqib ketdi.

Hattoki, o‘yindan oldin mashg‘ulotlar bazasiga ham kelishni odatga aylantirdi. Vaholanki, bu taqiqlangan. Shu bois, sartaroshni ishdan bo‘shatdik» - deyildi klub bayonotida.