«Челси» клуби сартароши Аҳмад Алсанави футболчилар сочини олиш жараёни акс этган суратларни интернетга жойлади.
Жамоа раҳбарияти эса буни чегарадан чиқиш сифатида баҳолаб, сартарошни ишдан ҳайдади.
«Суратлар, дастхат туширилган футболкалар, ўйинчилар фотосини тарқатиш орқали ўз бизнесини реклама қилиш — бу ҳаддан ошиш.
Футболчиларда имидж ҳуқуқлари бўйича шартномалари бор, клуб ҳомийларга эга. Яъни имидж ҳуқуқлари учун миллионлаб фунт тўланади. Сартарош охирги вақтларда чегарадан чиқиб кетди.
Ҳаттоки, ўйиндан олдин машғулотлар базасига ҳам келишни одатга айлантирди. Ваҳоланки, бу тақиқланган. Шу боис, сартарошни ишдан бўшатдик» - дейилди клуб баёнотида.
