"Реал" собиқ ҳужумчиси ва мураббийи Хорхе Вальдано Килиан Мбаппени "қаймоқранглилар" учун муаммо деб ҳисобламайди.
"Мбаппега келсак, тўқима гап-сўзлар бошқа нарса-ю, ҳақиқат умуман бошқа нарса. У — гол уриш бўйича ҳақиқий машина, йил давомида жуда юқори даражани сақлаб қолди. Бошқа масала шундаки, "Реал" совринларни қўлга кирита олмаяпти ва масъулиятни бошқаларга қараганда кўпроқ унинг зиммасига юклашмоқда, бунга сабаб — унинг жамоадаги бош юлдуз эканлигидир.
Биз жуда кўп ҳолларда мураккаб муаммоларга оддий ечимлар қидирамиз. Клубнинг бир қанча муаммолари бор ва Мбаппе уларнинг энг сўнггисидир. Мбаппе — бу умуман муаммо эмас, аксинча, ечимдир. У гол урмоқда, футболда эса энг қийини айнан шудир", — деди Вальдано.
