Madridning “Real” klubi hujumchisi Karim Benzema PSJ yarim himoyachisi Hatem Ben-Arfa iqtidorini yuqori baholadi.

“Ben-Arfa Messi darajasidagi futbolchi hisoblanadi. Hatem “Nissa”da maydonni qanchalik yaxshi ko‘ra olishini isbotladi. O‘ylaymanki, u yoshligida “Lion”dan ketib katta xato qilgan”, — deydi Benzema.

Ma’lumot uchun, Ben-Arfa 2016 yilning yozida PSJ klubisha o‘tgandi, biroq futbolchi Parijda asosiy tarkib a’zosiga aylana olmadi.

30 yoshli futbolchi hattoki joriy mavsus parijliklar tarkibida birorta o‘yinda maydonga tushmagan.