Italiya terma jamoasi darvozaboni Janluiji Buffon terma jamoadagi faoliyatini yakunlashini ma’lum qildi.
"O‘zim uchun mas, butun italyan futboli uchun kechirim so‘rayman. Oldimizga qo‘yilgan vazifani bajara olmadik, bu muhim ahamiyatga ega edi. Saralash uchrashuvlarni shu tarzda yakunlashimiz juda achinarli.
O‘tish uchrashuvlari qanchalik qiyin bo‘lishini unda qatnashganlar biladi. Biz o‘zimizning eng yaxshi o‘yinimizni ko‘rsata olmadik. Bunday o‘yinlarda kichik epizodlar hamma narsani hal qiladi. Shvedlara qarshi o‘yinlarda hal qiluvchi vaziyatlar bilan omadimiz kelmadi.
Bizda g‘urur va kuch bor. Bunday omadsizlikdan so‘ng qanday qilib o‘zimizga kelishni bilamiz.
Men Italiya termasini tark etaman. Hammani quchib qolaman, ayniqsa bu yillarda men bilan birga bo‘lganlarni", - deydi Buffon.
