Италия терма жамоаси дарвозабони Жанлуижи Буффон терма жамоадаги фаолиятини якунлашини маълум қилди.
"Ўзим учун мас, бутун итальян футболи учун кечирим сўрайман. Олдимизга қўйилган вазифани бажара олмадик, бу муҳим аҳамиятга эга эди. Саралаш учрашувларни шу тарзда якунлашимиз жуда ачинарли.
Ўтиш учрашувлари қанчалик қийин бўлишини унда қатнашганлар билади. Биз ўзимизнинг энг яхши ўйинимизни кўрсата олмадик. Бундай ўйинларда кичик эпизодлар ҳамма нарсани ҳал қилади. Шведлара қарши ўйинларда ҳал қилувчи вазиятлар билан омадимиз келмади.
Бизда ғурур ва куч бор. Бундай омадсизликдан сўнг қандай қилиб ўзимизга келишни биламиз.
Мен Италия термасини тарк этаман. Ҳаммани қучиб қоламан, айниқса бу йилларда мен билан бирга бўлганларни", - дейди Буффон.
