Kelasi yili Rossiya mezbonlik qiladigan jahon chempionatida ishtirok etadigan so‘nggi jamoaning nomi aniq bo‘ldi.

Okeaniya va KONMEBOL mintaqasi jamoalari o‘rtasidagi qit’alararo pley-off bosqichining javob o‘yni hozirgina yakuniga yetdi. Peru terma jamoasi o‘z uyida Yangi Zelandiyani mag‘lub etishga muvaffaq bo‘ldi.

Birinchi bo‘limda Farfan hisobni ochgan bo‘lsa, ikkinchi taymda Kristian Ramos hisobni mustahkamladi.

Shu tariqa, Peru terma jamoasi JCH-2018 yo‘llanmasini qo‘lga kiritgan 32-jamoasiga aylandi.

JCH-2018 saralash. qit’alararo pley-off, javob o‘yini
Peru – Yangi Zelandiya 2:0 (1:0, 1:0)
16 noyabr, 07.15, «Estadio Nacional del Per»
Gollar: 1:0 – 28 Farfan, 2:0 – 65 Ramos.
Peru – Galyese, Ramos, Trauko, Advinkula, Rodriges, Kueva (Sela, 86), Tapiya, Polo (Karrilyo, 74), Farfan, Flores, Ruidias (Yotun, 66).
Yangi Zelandiya – Marinovich, Rid, Dyurent (Brokki, 77), Uinn, Boksell, Lyuis (Roxas, 59), Kolvi, Tuiloma (Vud, 46), Tomas, Barbaruses, Makglinchi.
Ogohlantirishlar: Tomas (19), Flores (22), Ramos (75), Galyese (80).
Birinchi o‘yin – 0:0