Italiya termasi va "Milan" klubining sobiq bosh murabbiyi Arrigo Sakki milliy futbolning muammolarini gapirdi.

"Skaudra adzurra" 2018 yilda Rossiyada bo‘lib o‘tadigan jahon chempionatidan quruq qoldi.

"Futbol butun dunyoda o‘zgarib ketdi. Italiya - qadimiy mamlakat, shuning uchun uning futbolini o‘zgartirish qiyin. Ammo biz bu mentalitetni o‘zgartirmoqchimiz, ko‘proq tomoshabop futbol ko‘rsatmoqchimiz.

Men masalan, Sarrining "Napoli"sini aytgan bo‘lardim. Bu jamoa ajoyib futbol ko‘rsatmoqda. O‘tgan mavsumda ular 3-o‘rinni olgan edilar, bu Italiyada halokat sanaladi. Biz faqat birinchi o‘rinni tan olamiz. Ammo "Napoli" o‘z yuziga va husnixatiga ega jamoa, bir vaqtlar mening "Milan"im ham shunday edi", - deydi Sakki.