Италия термаси ва "Милан" клубининг собиқ бош мураббийи Арриго Сакки миллий футболнинг муаммоларини гапирди.
"Скаудра адзурра" 2018 йилда Россияда бўлиб ўтадиган жаҳон чемпионатидан қуруқ қолди.
"Футбол бутун дунёда ўзгариб кетди. Италия - қадимий мамлакат, шунинг учун унинг футболини ўзгартириш қийин. Аммо биз бу менталитетни ўзгартирмоқчимиз, кўпроқ томошабоп футбол кўрсатмоқчимиз.
Мен масалан, Саррининг "Наполи"сини айтган бўлардим. Бу жамоа ажойиб футбол кўрсатмоқда. Ўтган мавсумда улар 3-ўринни олган эдилар, бу Италияда ҳалокат саналади. Биз фақат биринчи ўринни тан оламиз. Аммо "Наполи" ўз юзига ва ҳуснихатига эга жамоа, бир вақтлар менинг "Милан"им ҳам шундай эди", - дейди Сакки.
