Uels terma jamoasi bosh murabbiyi Kris Koulmen iste’foga chiqdi.
47 yoshli mutaxassis o‘z xohishiga ko‘ra ushbu qarorni qabul qilgan, deya xabar qilmoqda Uels FA rasmiy sayti.
Koulman terma jamoani 2012 yilda qabul qilib olgan va uni Yevro-2016 musobaqasi yarim finaliga qadar olib borgandi. JCH-2018 saralash bosqichida esa uelsliklar musobaqaga chiqish imkoniyatini qo‘ldan boy berdilar.
Avvalroq, Koulman «Sanderlend»da ish boshlashga tayyorligi aytilgandi. Ta’kidlanishicha, mutaxassis ertadan boshlab «qora mushuklar» boshqaruvini o‘z qo‘liga oladi.
