Italiya futbol Federasiyasi prezidenti Karlo Tavekkio o‘z lavozimini tark etadi.
74-yoshli mutaxassisga so‘nggi kunlarda Italiya terma jamoasi JCH-2018ga chiqa olmagani sabab, jiddiy bosim bo‘lmoqda va u ertaga shu lavozimdan ketishini e’lon qiladi, deb xabar bermoqda Football Italia nashri.
Shu tariqa, Italiya futbolining yangi rahbariligi uchun saylov 2018 yilda bo‘lib o‘tadi.
Avvalroq, mashhur sobiq hakam Pyerluiji Kollina Italiya futbolini boshqarishga tayyor ekanligini bildirgan edi.
Tavekkio terma jamoaning bosh murabbiyi Jampyero Venturani o‘z lavozimidan ozod etgan edi, ammo ko‘pchilik uning o‘zi ketishini istamoqda.