Yevropa Chempionlar ligasi guruh bosqichining 5-turidan o‘rin olgan "Sevilya" - "Liverpul" uchrashuvi o‘z nihoyasiga yetdi. Unda 3:3 hisobi qayd etilib, jamoalar murosa ko‘chasini tanlashdi.
Mehmonlar uchrashuvning 30-daqiqasiga qadar uchta gol urishdi. Roberto Firminyo dubl qayd etgan bo‘lsa, Sadio Mane hisobni yirik ko‘rinishga keltirdi.
“Sevilya” ikkinchi bo‘limda Vissam Ben-Yedderning ikki goli evaziga hisobni qisqartirdi. O‘yinga qo‘shib berilgan daqiqalarida Gido Pisarro hisobni tenglashtirdi.
“E” guruhida 5-turning yakuniy natijalaridan so‘ng pley-off bosqichiga hech qaysi jamoa yo‘l olmadi. Barchasi so‘nggi 6-turda hal bo‘ladi.
Unda “Spartak” Angliyada “Liverpul” mehmoni bo‘lsa, “Sevilya” Sloveniyada “Maribor”ga qarshi bahs olib boradi.
“E” guruhi.
“Sevilya” – “Liverpul” 3:3.
Gollar: Ben-Yedder 51, Ben-Yedder 60 (penalti), Pisarro 90+3 - Firmino 2, Mane 22, Firmino 30.
“Sevilya”: Riko, Lengle, Merkado, Eskudero, Banega, Gays, Nzonzi (Vaskes 46), Pisarro, Sarabiya, Ben-Yedder (Xoakin 81), Nolito (Muriel 73).
“Liverpul”: Karius, Gomes, Klavan, Lovren, Moreno (Milner 64), Veynaldum, Koutinyo (Jan 64), Salax, Firmino, Xenderson, Mane.
Ogohlantirishlar: Moreno 38, Banega 45, Merkado 55, Xenderson 68, Jan 83.
| № | Jamoa | O‘ | O |
|---|---|---|---|
| 1 | Liverpul | 5 | 9 |
| 2 | Sevilya | 5 | 8 |
| 3 | Spartak | 5 | 6 |
| 4 | Maribor | 5 | 2 |
