Kecha Yevropa Chempionlar ligasining "E" guruhida "Sevilya" o‘z maydonida "Liverpul"ni mehmon qildi. Murosasiz o‘tgan bahsda andalusiyaliklar birinchi taymda 0:3 hisobida ortda qola turib ikkinchi taymda 3ta to‘p farqini yo‘qqa chiqara olishdi. Uchrashuv yakunlanganidan so‘ng esa "Sevilya" klubi bosh murabbiyi borasida kutilmagan bayonot berdi.
Ma’lum bo‘lishicha, Eduardo Berisso prostata bezi saratoniga chalingan va uni jarrohlik amaliyoti kutmoqda.
Bahsdan so‘ng, ba’zi futbolchilar ham o‘z intervyusida, bosh murabbiyning xasta ekaniga ishora qildi.
Xususan, yarimhimoyachi Ever Banega mutaxassisni qo‘llab-quvvatlab: "Bu inson bizni to‘g‘ri yo‘lga boshlamoqda. Hammamiz unga dalda berishimiz va qo‘llab-quvvatlashimiz lozim" - degan.
"Sevilya" bosh murabbiyiini to‘liq qo‘llab-quvvatlaydi va unga tez orada sog‘ayib ketishini tilaydi", — deyiladi klub bayonotida.
