“Metallurg” va “Neftchi” jamoalari oliy liga bahslarida 39 bora to‘qnash kelishgan. Natijalar vodiy jamoasining ustunligini ko‘rsatadi.
Farg‘onaliklar o‘zaro bellashuvlarning 23 tasini yutgan, 8 o‘yinda kuchlar teng kelgan, 8 uchrashuvda esa bekobodliklar zafar quchishgan.
“Neftchi” o‘zaro o‘yinlarda 72 ta gol kiritgan, bekobodliklar esa raqiblarini 38 marta ranjitishgan.
Mazkur o‘yinlarda vodiyliklar o‘z hisoblariga 77 ochko yozib qo‘yishgan bo‘lsa, “Metallurg”da bu ko‘rsatkich 32 ochkoni tashkil etadi.
“Neftchi”ning o‘zaro o‘yinlardagi eng yirik g‘alabasi 7:1 ga teng bo‘lsa, “Metallurg”raqibini ikki to‘p farqi bilan mag‘lub etgan – 2:0, 3:1.
Bu yil jamoalarning birinchi davra – Farg‘onadagi uchrashuvida “Metallurg” 2:0 hisobida g‘alaba qozongandi. Gollarni Zohid Abdullayev (40) hamda Murodjon Toshmatovlar (48) kiritishgandi.
Bekobodda bo‘lib o‘tgan so‘nggi olti uchrashuv:
22.11.2016 «Metallurg» - «Neftchi» 1:0
11.14.2015 «Metallurg» - «Neftchi» 0:1
03.05.2014 «Metallurg» - «Neftchi» 2:1
03.11.2013 «Metallurg» - «Neftchi» 0:0
26.06.2012 «Metallurg» - «Neftchi» 1:1
01.11.2011 «Metallurg» - «Neftchi» 0:0
O‘zaro o‘yinlar haqida fakt: “Metallurg” mezbonlik qilgan o‘yinlarning 6 tasida maydon egalari, 6 tasida mehmonlarning qo‘li baland kelgan. Yettita o‘yinda esa durang natija qayd etilgan.
