Rossiya milliy jamoasi Moskvadagi yangi ta’mirdan chiqarilgan «Lujniki» stadionida Argentina termasiga qarshi o‘rtoqlik uchrashuvi o‘tkazdi. Unda mehmonlar Serxio Agueroning yagona goli evaziga g‘alaba qozonishdi.

O‘yindan so‘ng argentinaliklar yetakchisi Lionel Messining mikst-zonada paydo bo‘lishi muxbirlarning panjara to‘siqlardan o‘tishlariga sabab bo‘ldi. Xususan, argentinalik jurnalistlar Lionelga va’dasini eslatib qo‘yishdi.

Bir paytlari Messi Argentina termasi JCH-2018da g‘olib chiqsa, o‘z uyidan Buenos-Ayresning San-Nikolas tumanida joylashgan BibiMaryam cherkovigacha piyoda borishini aytgandi. Ushbu bino esa Leoning uyidan 38 km. uzoqlikda joylashgan.

— Aslida sizlar taklif qilgandingiz, men esa rozi bo‘lganman, - deb gap boshladi «albiseleste» sardori. - Agar jahon chempionligini qo‘lga kiritsak, ortimdan butun Argentina boradi.

— Rossiyaga qarshi o‘yindan qoniqish hosil qildingizmi?

— Bugun biz shunchaki g‘alaba qozonish uchun emas, balki bu ishni qoyilmaqom tarzda uddalashga intildik. O‘ylaymanki, niyatimiz amalga oshdi.

Birinchi bo‘limni yaxshi o‘tkazdik, ko‘plab hujumlar uyushtirdik. Lekin tanaffusdan keyin g‘alaba uchun ko‘p mehnat qilishga to‘g‘ri keldi. Zafar quchganimizdan xursandman.

— Yil siz istagandek yakunlanyaptimi? Ekvadordagi ajoyib kecha sizga quvonch va ishonch ulashdimi?

— Ekvadordagi bahs, qolaversa, bugungi uchrashuv ham Argentina terma jamoasining jahon chempionatiga tayyorligini ko‘rsatdi. Haqiqatan o‘sha g‘alabadan so‘ng tinchlandik va o‘zimizni yaxshi his qilyapmiz.

— Klubdan farqli o‘laroq, terma jamoada kam vaqt o‘tkazasiz. Bu muammo emasmi? DAVOMI