Toshkentning “Bunyodkor” jamoasi yoshlari 2017 yilgi yoshlar birinchiligi g‘olibi bo‘ldilar.
So‘nggi turda “Lokomotiv” ustidan qozonilgan g‘alaba yosh “qaldirg‘ochlar”ga kichik oltin medallarni taqdim etdi.
Chempionat davomida 30ta uchrashuv o‘tkazgan yoshlarimiz ularning 19tasida g‘alaba qozondilar. 3ta uchrashuvda durang va 8ta bahsda mag‘lubiyat qayd etishdi. To‘plar farqi – 60:34. O‘rinbosarlarimiz umumiy hisobda 60 ochko jamg‘arib, birinchi o‘rinni qo‘lga kiritishdi.
Ushbu muvaffaqiyat bilan yoshlar jamoamiz ustozlari – Shuhrat Maqsudov, Abdulhamid Qodirov, Marat Galimov hamda mavsum davomida yoshlar ligasi g‘olibligi uchun o‘z hissalarini qo‘shgan barcha futbolchilarni muborakbod etamiz!
Qayd etish kerakki, “Bunyodkor” qatorasiga uchinchi bor yoshlar ligasi g‘olibligini qo‘lga kiritmoqda. Bungacha 2015 va 2016 yillarda ham “Bunyodkor” yoshlari mamlakatda tengsiz, deb topilgandi. Umumiy hisobda esa “Bunyodkor” yoshlariga beshinchi bor g‘oliblik nasib etdi. Undan avval, 2009 va 2013 yillarda ham o‘rinbosarlarimiz birinchi bo‘lishgandi.
