«Sevilya» bosh murabbiyi Eduardo Berisso klubdagi kelajagi haqida keyingi haftada bir qarorga kelmoqchi ekanini aytdi, deb xabar bermoqda BBC.

Prostata bezi saratoniga chalingani aytilgan mutaxassis yana bir bor tibbiy ko‘rikdan o‘tishga jazm qilgan.

«Futbolchilar mening ishimda muhim ahamiyat kasb qiladi, dalda berishgani uchun ulardan minnatdorman.

Hozircha, diqqat e’tiborim «Sevilya»ning navbatdagi o‘yinlariga qaratilgan. Biroq, keyingi haftada kasalligim bo‘yicha yakuniy tashhisni olaman, shundan so‘ng, kelajagim haqida bir qarorga kelaman.

Menga kasalligim haqida gapirish yoqmayapti, o‘zimni jafokash sifatida ko‘rsatmoqchi emasman» - dedi Berisso.