«Севилья» бош мураббийи Эдуардо Бериссо клубдаги келажаги ҳақида кейинги ҳафтада бир қарорга келмоқчи эканини айтди, деб хабар бермоқда BBC.

Простата бези саратонига чалингани айтилган мутахассис яна бир бор тиббий кўрикдан ўтишга жазм қилган.

«Футболчилар менинг ишимда муҳим аҳамият касб қилади, далда беришгани учун улардан миннатдорман.

Ҳозирча, диққат эътиборим «Севилья»нинг навбатдаги ўйинларига қаратилган. Бироқ, кейинги ҳафтада касаллигим бўйича якуний ташҳисни оламан, шундан сўнг, келажагим ҳақида бир қарорга келаман.

Менга касаллигим ҳақида гапириш ёқмаяпти, ўзимни жафокаш сифатида кўрсатмоқчи эмасман» - деди Бериссо.