«Atletiko» klubi Ispaniya chempionati 13-turidan o‘rin olgan uchrashuvda «Levante»ni 5:0 hisobida mag‘lub etdi.

Shunday qilib, «matraschilar» La Ligada ketma-ket 13ta o‘yinda mag‘lubiyatga uchramay, jamoa tarixidagi eng yaxshi seriyani qayd etishdi. Klub ortda qolgan 13 turda yetti bor g‘alabaga erishgan bo‘lsa, olti marta durang qayd etdi.

Oldingi rekord ketma-ket 12 o‘yinli mag‘lubiyatsiz seriyadir va bu 1995/96 mavsumda qayd etilgan. O‘sha mavsum «Atletiko» Ispaniya chempionati va Kubogini yutib olib, «Oltin dubl» qayd etgandi.