«Атлетико» клуби Испания чемпионати 13-туридан ўрин олган учрашувда «Леванте»ни 5:0 ҳисобида мағлуб этди.

Шундай қилиб, «матрасчилар» Ла Лигада кетма-кет 13та ўйинда мағлубиятга учрамай, жамоа тарихидаги энг яхши серияни қайд этишди. Клуб ортда қолган 13 турда етти бор ғалабага эришган бўлса, олти марта дуранг қайд этди.

Олдинги рекорд кетма-кет 12 ўйинли мағлубиятсиз сериядир ва бу 1995/96 мавсумда қайд этилган. Ўша мавсум «Атлетико» Испания чемпионати ва Кубогини ютиб олиб, «Олтин дубль» қайд этганди.