Xabaringiz bor, ayni paytda Tayland poytaxti Bangkok shahrida Osiyoning eng yaxshilarini aniqlashga bag‘ishlangan  AFC ANNUAL AWARDS 2017 marosimi bo‘lib o‘tmoqda.

Joriy yilda Osiyoning eng yaxshi futbolchisi sifatida suriyalik Umar Xarbin tan olindi. Eng yaxshi ayol futbolchi sifatida avstraliyalik Samanta Kerr e’tirof etildi.  Eng yaxshi yosh futbolchi nominasiyasida janubiy koreyalik Li Syong Vu g‘olib deb topildi.

Shuningdek, OFKning hakamlar uchun maxsus sovrini o‘zbekistonlik FIFA referisi, plyaj futboli hakami Baxtiyor Namozovga beriladigan bo‘ldi.

Baxtiyor Namozov shu yilning 27 aprel – 7 may kunlari Bagama orollarida bo‘lib o‘tgan Plyaj futboli bo‘yicha Jahon chempionatida qatnashgan bo‘lib, Braziliya va Taiti terma jamoalari ishtirokida bo‘lib o‘tgan final uchrashuvini Bosh hakam sifatida boshqarib borgan.

Ta’kidlash joizki, shu paytga qadar plyaj futboli tarixida Jahon chempionati finallarida osiyolik hakamlar ishlamagan bo‘lib, Baxtiyor Namozov bu borada birinchi bo‘ldi.