13 oktyabr kuni (24-tur doirasida) «Mash’al» maydoniga safar qilgan «So‘g‘diyona» milliy chempionatimiz doirasida o‘zining 111-durangini qayd etdi.
Jizzax klubi duranglar soni bo‘yicha oliy ligada 9-o‘rinda turadi. Bu jamoaning 8 noyabrda «Navbahor»ga qarshi o‘tkazgan bahsi milliy chempionatdagi 657-o‘yini bo‘ldi.
111ta durang 30ta klub bilan uchrashuvlarda qayd etilgan. Umuman olganda, «So‘g‘diyona» oliy ligada 657ta o‘yin o‘tkazgan bo‘lsa, ularning 222tasi g‘alaba, 111tasi durang va 324tasi mag‘lubiyat bilan yakunlangan.
To‘plar nisbati: 847-1111. Ushbu klubning duranglari jami o‘yinlarga nisbatan 16,89 foizni tashkil etadi.
Jamoaga 1970 yilda asos solingan bo‘lib, 1990 yildan buyon «So‘g‘diyona» nomi ostida faoliyat yuritmoqda. 1992 yilgi mavsumda 3-o‘rinni egallab, sovrindorlardan biriga aylangan. 2003, 2007, 2010, 2012 yillarda birinchi ligaga tushib ketgan.
Jizzax jamoasi oliy ligada ko‘proq «Neftchi» bilan «sulh» tuzgan - 9 marta. Bundan tashqari, ketma-ket 4 mavsum «Mash’al»ga qarshi bahslarda (2014-2017 yillar, 4ta o‘yin) ochkolarni bo‘lishib olgan. Bu «So‘g‘diyona»ning bir raqib bilan o‘zaro davom etgan eng uzun durangli seriyasidir.
2008 yilgi mavsum davomida jamoa o‘zi uchun eng ko‘p - 9ta durang qayd etgan. Vaholanki, o‘shanda chempionatimizning eng murosali jamoasi «Navbahor» 11 marta durang o‘ynagandi.
«So‘g‘diyona» va OTMK klublari 9ta durang bilan undan keyingi o‘rinni band etishgandi. 1992, 2004, 2015 yillarda esa Jizzax klubi butun mavsum davomida atigi 2 marta raqiblari bilan murosa ko‘chasini tanlagandi.
-----------------------------------------------------------------------------------------
«So‘g‘diyona» qayd etgan duranglar xronikasi:
